Հայաստանում ՄԱԿ-ի Փախստականների հարցերով գերագույն հանձնակատարի ներկայացուցիչն իր հավատագրման նամակն է հանձնել ՀՀ ԱԳ նախարարի տեղակալին
13 նոյեմբերի, 2025
Նոյեմբերի 13-ին ՀՀ ԱԳ նախարարի տեղակալ Ռոբերտ Աբիսողոմոնյանն ընդունել է Հայաստանում ՄԱԿ-ի Փախստականների հարցերով գերագույն հանձնակատարի ներկայացուցիչ, ՓՀԳ հայաստանյան գրասենյակի նորանշանակ ղեկավար Մոնիկա Սանդրիին՝ հավատարմագրման նամակը հանձնելու կապակցությամբ:
Շնորհավորելով ՓՀԳ հայաստանյան գրասենյակի ղեկավարին նշանակման կապակցությամբ՝ ՀՀ ԱԳ նախարարի տեղակալը վստահություն է հայտնել, որ վերջինիս ղեկավարությամբ գրասենյակի հետ համագործակցությունն էլ ավելի կամրապնդվի:
Հանդիպման ընթացքում կողմերը բարձր են գնահատել Հայաստանի և ՄԱԿ ՓԳՀ միջև ձևավորված սերտ և արդյունավետ փոխգործակցությունը:
Անդրադարձ է կատարվել փախստականների կարիքների հասցեագրման գործում իրականացված աշխատանքներին և գրանցված արդյունքներին` կարևորելով զարգացման և ինտեգրման քաղաքականության խթանմանն ուղղված ծրագրերի շարունակականության ապահովումը: