ՀՀ ԱԳ նախարար Արարատ Միրզոյանի և ԵՄ ԱԳԱՔ հարցերով բարձր ներկայացուցիչ Կայա Կալասի հանդիպումը
30 հունիսի, 2025
Հունիսի 30-ին ՀՀ արտաքին գործերի նախարարությունում տեղի է ունեցել ՀՀ ԱԳ նախարար Արարատ Միրզոյանի և պաշտոնական այցով Երևանում գտնվող ԵՄ ԱԳԱՔ բարձր ներկայացուցիչ Կայա Կալասի հանդիպումը: Զրուցակիցները քննարկում են ունեցել նախ առանձնազրույցի ձևաչափով, ապա ընդլայնված կազմով՝ պատվիրակությունների մասնակցությամբ:
Այցի շրջանակում Արարատ Միրզոյանը և Կայա Կալասը ստորագրել են «Հայաստանի Հանրապետության և Եվրոպական միության միջև Եվրոպական միության ճգնաժամային կառավարման գործողություններում Հայաստանի Հանրապետության մասնակցության շրջանակը սահմանելու մասին» համաձայնագիրը։
ՀՀ ԱԳ նախարարի և ԵՄ ԱԳԱՔ բարձր ներկայացուցչի կողմից համատեղ տրվել է ՀՀ-ԵՄ անվտանգության և պաշտպանության վերաբերյալ խորհրդակցությունների մեկնարկը:
Քննարկումների արդյունքներով Արարատ Միրզոյանը և Կայա Կալլասը հանդես են եկել համատեղ մամուլի ասուլիսով։