ԱԳ նախարարի տեղակալ Շավարշ Քոչարյանի հանդիպումը Թուրքմենստանի դեսպանի հետ
11 ապրիլի, 2019
Ապրիլի 11-ին ՀՀ ԱԳ նախարարի տեղակալ Շավարշ Քոչարյանն ընդունեց Հայաստանի Հանրապետությունում Թուրքմենստանի արտակարգ և լիազոր դեսպան Մուհամեթգելդի Այազովին՝ վերջինիս խնդրանքով։
Հանդիպման ընթացքում քննարկվեցին 2019 թվականի ընթացքում Հայաստանի և Թուրքմենստանի միջև տնտեսական համագործակցության միջկառավարական հանձնաժողովի նիստի, երկու երկրների արտաքին գործերի նախարարությունների միջև տարբեր հարցերով խորհրդատվությունների անցկացման, Թուրքմենստանում Հայաստանի մշակույթի օրերի կազմակերպման, ինչպես նաև երկկողմ օրակարգի հետ կապված մի շարք այլ հարցեր: