Արտգործնախարարն ընդունեց Իրանի ԱԳՆ պաշտոնական ներկայացուցչին
03 ապրիլի, 2013Ապրիլի 3-ին ԱԳ նախարար Էդվարդ Նալբանդյանն ընդունեց Իրանի արտգործնախարարության պաշտոնական ներկայացուցիչ Ռամին Մեհմանփարաստին։
Ողջունելով հյուրին՝ նախարար Նալբանդյանը բարձր գնահատեց Հայաստանի և Իրանի միջև հաստատված բարիդրացիական հարաբերությունները և նշեց, որ տարբեր մակարդակներով փոխայցելությունները նպաստում են փոխշահավետ համագործակցության զարգացմանը։
Շնորհակալություն հայտնելով ընդունելության համար՝ Ռամին Մեհմանփարաստը տեղեկացրեց, որ իր այցելությունը բավականին հագեցած էր, և տեղի ունեցած բովանդակալից հանդիպումների ժամանակ պայմանավորվածություններ են ձեռք բերվել հայաստանյան և իրանական լրատվամիջոցների միջև համագործակցության հաստատման վերաբերյալ։
Հանդիպմանը կարևորվեց Հայաստանի և Իրանի ԱԳՆ-երի միջև պարբերական խորհրդակցությունների անցկացումը:
Տարածաշրջանային խնդիրների քննարկման ենթատեքստում նախարար Նալբանդյանը բարձր գնահատեց ղարաբաղյան հիմնախնդրի վերաբերյալ Իրանի հավասարակշռված դիրքորոշումը։