Հանդիպեցին Հայաստանի եւ Իրանի արտգործնախարարները
27 մարտի, 2011Մարտի 27-ին ՀՀ ԱԳ նախարար Էդվարդ Նալբանդյանը, ով Թեհրանում էր գտնվում աշխատանքային այցով Իրան ժամանած Հայաստանի Հանրապետության Նախագահին ուղեկցող պատվիրակության կազմում, հանդիպեց Իրանի արտգործնախարար Ալի Ակբար Սալեհին:
Հանդիպմանը քննարկվեցին երկկողմ հարաբերություններին առնչվող հարցերի լայն շրջանակ:
Զրուցակիցները վերահաստատեցին փոխշահավետության վրա հիմնված երկկողմ հարաբերությունների հետագա զարգացման եւ ամրապնդման պատրաստակամությունը:
Էդվարդ Նալբանդյանը, կարեւորելով երկկողմ մակարդակի պարբերական շփումները, իր իրանցի գործընկերոջը հրավիրեց այցելել Հայաստան: