Մոսկվայում գտնվող ՀՀ ԱԳ նախարար Էդվարդ Նալբանդյանն այցելեց Մոսկվայի Միջազգային հարաբերությունների պետական ինստիտուտ (համալսարան), որի շրջանավարտն է նաեւ ՀՀ արտաքին գործերի նախարարը:

Էդվարդ Նալբանդյանը ՀՀ արտաքին քաղաքականության մասին ելույթով հանդես եկավ համալսարանի պրոֆեսորա-դասախոսական կազմի եւ ուսանողության առջեւ: Էդվարդ Նալբանդյանը ներկաներին պատմեց նաեւ կրթօջախում իր ուսանողական տարիների, դիվանագիտության բնագավառում իր առաջին քայլերի, պատերազմի ժամանակ Լիբանանում աշխատելու մասին: Նա նշեց, որ բավականին հուզիչ է ԲՈւՀ-ը ավարտելուց 30 տարի հետո վերադառնալ հարազատ կրթօջախ` Հայաստանի արտգրոծնախարարի պաշտոնում:

Նախարար Նալբանդյանը հրավիրեց ուսանողների ուշադրությունը ան հանգամանքի վրա, որ իրենց բախտ է վիճակվել ուսանել ոչ միայն Ռուսաստանի ամենահեղինակավոր ԲՈւՀ-ում, այլեւ աշխարհում դիվանագեների պատրաստման առաջատար կենտրոններից մեկում: Նա մաղթեց ներկա ուսանողներին տարիներ անց վերադառնալ համալասրան որպես իրենց երկրների ԱԳ նախարարներ, փոխնախարարներ եւ դեսպաններ:
Էդվարդ Նալբանդյանը իր երախտագիտությունը հայտնեց ԲՈւՀ-ի ղեկավարությանը` հայ ուսանողներին բարձր մակարդակով կրթելու համար:
Համալսարանի դասախոսներն ու ուսանողները բազմաթիվ հարցեր ուղղեցին նախարար Նալբանդյանին:
Մայիսի 31-ին Մոսկվայում ՀՀ դեսպանատանը նախարար Նալբանդյանը ընդունեց Հավաքական անվտանգության պայմանագրի կազմակերպության գլխավոր քարտուղար Նիկոլայ Բորդյուժային:

Քննարկվեցին կազմակերպության առջեւ կանգնած խնդիրները, անդամ-երկրների միջեւ արտաքին քաղաքականության եւ անվտանգության բնագավառում դիրքորոշումների համակարգման հարցերը:
Անդրադարձ կատարվեց ՀԱՊԿ-ում Հայաստանի առաջիկա նախագահությանը եւ այդ ընթացքում իրականացվելիք միջոցառումներին: Նախարար Նալբանդյանը նշեց, որ Հայաստանը կարեւորում է իր նախագահությունը ՀԱՊԿ-ում եւ աշխատանք կտանի կազմակերպության անդամ երկրների միջեւ փոխգործակցությունը ամրապնդելու համար:
Հագեցած էր նաեւ ԱԳ նախարար Էդվարդ Նալբանդյանի եւ ՌԴ Պետական Դումայի ԱՊՀ երկրների հարցերով հանձնաժողովի նախագահ Ալեքսեյ Օստրովսկու հանդիպումը, որի ժամանակ քննարկվեցին ԱՊՀ զարգացման հեռանկարները:

Նախարար Նալբանդյանը նշելով, որ Հայաստանը որպես ԱՊՀ ակտիվ անդամ շահագրգռված է նրա անդամ երկրների միջեւ համագործակցության զարգացմամբ: Քննարիկվեցին նաեւ ԼՂ հիմնաննդրի կարգավորման եւ տարածաշրջանային անվտանգության հարցեր:

* * *

Այցի շրջանակներում նախարար Նալբանդյանը հանդիպում ունեցավ ռուսաստանյան «Տրոյկա Դիալոգ» ընկերությունների խմբի տնօրենների խորհրդի նախագահ, «Հայաստան 2020» նախաձեռնության համանախագահ Ռուբեն Վարդանյանի հետ: Հանդիպման ժամանակ քննարկվեցին Հայաստանի տնտեսական զարգացման հեռանկարները: Առանձին անդրադարձ կատարվեց «Հայաստան 2020» նախաձեռնության հետագա ծրագրերին:

Նախարար Նալբանդյանը հանդիպեց նաեւ Ռուսաստանի Հայերի Միության նախագահ Արա Աբրահամյանի — Միության ղեկավար կազմի հետ: Հանդիպման ընթացքում Էդվարդ Նալբանդյանը բարձր գնահատեց ՌՀՄ կողմից հիմնադրումից ի վեր իրականացված ծրագրերը — հաջողություն մաղթեց Միությանը իր հայանպաստ ապագա գործնեության մեջ։

Հայկական դիվանագիտության ղեկավարը վերահաստատեց Հայրենիք-Սփյուռք կապերն առավել ակտիվ եւ գործուն դարձնելու ՀՀ իշխանությունների վճռականությունը: Նա տեղեկացրեց, որ կառավարության կողմից ԱԳՆ կառուցվածքում Սփյուռքի Կոմիտեի կանոնադրության հաստատումից հետո արդեն սկսվել են կառույցի ձեւավորման աշխատանքները:

Արտգործնախարար Նալբանդյանը այցելեց նաեւ Համառուսաստանյան ցուցահանդեսային կենտրոնի տարածքում գտնվող «Հայաստան» տաղավարը, ուր ծանոթացավ ներկայցված Հայաստանից Ռուսաստան արտահանվող ապրանքատեսակներին: Էդվարդ Նալբանդյանը ցուցահանդեսային կենտրոնի ղեկավարության հետ քննարկեց համատեղ ծրագրերի իրականացման հետագա ընդլայնման հնարավորությունները: