Ս.թ. փետրվարի 27-ին ՆԱՏՕ-ում ՀՀ Առաքելության ղեկավար Ս. Մկրտչյանը հանդիպեց ՆԱՏՕ-ի Խորհրդարանական վեհաժողովի նոր Գլխավոր քարտուղար Դեյվիդ Հոբսին (David Hobbs): Նա ստանձնել է իր պաշտոնավարությունը ս.թ. հունվարի 1-ից:

Հանդիպման ընթացքում քննարկվեցին ՆԱՏՕ-ի ԽՎ առաջիկա ծրագրերը, մայիսին Բեռլինում կայանալիք գարնանային նստաշրջանի նախապատրաստական աշխատանքները, Հայաստանի Ազգային ժողովի եւ ԽՎ միջեւ համագործակցության հեռանկարները, մասնավորապես, փոխադարձ այցելությունների եւ խորհրդարանական միջոցառումների կազմակերպման հնարավորությունները:

ՆԱՏՕ-ի ԽՎ բեռլինյան նստաշրջանի օրակարգային հիմնական հարցերից են լինելու Աֆղանստանը, կիբեր պաշտպանության եւ էներգետիկ անվտանգության հարցերը: Հատուկ ուշադրության կարժանանա նաեւ Դաշինքի նոր Ռազմավարական հայեցակարգի մշակման խնդիրը: