ՀՀ ԱԳ նախարար Վարդան Օսկանյանի եւ ԵՄ հատուկ ներկայացուցիչ Փիթեր Սեմնեբիի հանդիպման վերաբերյալ
23 մարտի, 2007Ս.թ. մարտի 23-ին ՀՀ ԱԳ նախարար Վարդան Օսկանյանը ընդունեց մեկօրյա այցով Հայաստանում գտնվող Հարավային Կովկասում ԵՄ hատուկ ներկայացուցիչ Փիթեր Սեմնեբիին:
Հանդիպման ընթացքում կողմերը քննարկեցին տարածաշրջանային խնդիրները, Հայաստանի հարաբերությունները հարեւան պետությունների հետ:
Զրուցակիցները նաեւ անդրադարձան Հայաստանում գալիք խորհրդարանական ընտրություններին, կարեւորելով դրա միջազգային չափանիշներին համապատասխան անցկացումը:
Տեղի ունեցավ մտքերի փոխանակում Լեռնային Ղարաբաղի հակամարտության կարգավորման բանակցությունների վերջին զարգացումների շուրջ:
Հանդիպմանը մասնակցում էր ԵՄ նախագահող Գերմանիայի դեսպան Հայկե Փայչը: