Հոկտեմբերի 28-ին Հայաստան կժամանի Սլովենիայի Հանրապետության արտաքին և եվրոպական գործերի նախարար Տոնե Կայզերը։

ԱԳՄԱ նախարարությունում կկայանա հանդիպում ՀՀ արտաքին գործերի և միջազգային առևտրի նախարար Արարատ Միրզոյանի հետ:

Նախարարները հանդես կգան համատեղ մամուլի ասուլիսով։

Նույն օրը նախարարներ Արարատ Միրզոյանը և Տոնե Կայզերը կմասնակցեն նաև Հայաստան-Սլովենիա գործարար համաժողովի բացմանը:

***

ՏԵԽՆԻԿԱԿԱՆ ՄԱՆՐԱՄԱՍՆԵՐ ՀԱՎԱՏԱՐՄԱԳՐՎԱԾ ԶԼՄ ՆԵՐԿԱՅԱՑՈՒՑԻՉՆԵՐԻ ՀԱՄԱՐ

Հայաստանի ԱԳՄԱ նախարարի և Սլովենիայի Հանրապետության արտաքին և եվրոպական գործերի նախարարի հանդիպումը կկայանա հոկտեմբերի 28-ին ժ. 10:30, որին կհաջորդի փաստաթղթի ստորագրում: Մամուլի ասուլիսի մեկնարկը նախատեսված է ժ. 12:00-ին:

Հանդիպումը լուսաբանելու համար ՀՀ ԱԳՄԱՆ են հրավիրվում օպերատորներն ու լուսանկարիչները, իսկ մամուլի ասուլիսին՝ նաև լրագրողները: Լուսաբանմանը կարող են մասնակցել միայն ԱԳՄԱՆ 2026թ. տարեկան հավատարմագրումն անցած ԶԼՄ ներկայացուցիչները՝ ԱԳՄԱՆ հավատարմագրման քարտի առկայության պարագայում:

Խնդրում ենք մասնակցության վերաբերյալ տեղեկացնել մինչև հոկտեմբերի 27-ը ժ. 19:00՝ համապատասխան նամակ ուղարկելով spokesperson@mfa.am էլ. հասցեին, իսկ հոկտեմբերի 28-ին ԱԳՄԱՆ-ում լինել վերոնշյալ ժամից 20 րոպե առաջ: