ՀՀ ԱԳ նախարարի տեղակալ Վահան Կոստանյանը հանդիպել է Թեհրանում գործող «Իրանագիտության» հիմնադրամի ղեկավար, ԻԻՀ ԱԳ նախկին նախարար Ալի Աքբար Սալեհիի հետ
26 մայիսի, 2025
Մայիսի 26-ին՝ «Երևանյան երկխոսություն» երկրորդ միջազգային համաժողովի շրջանակներում, ՀՀ ԱԳ նախարարի տեղակալ Վահան Կոստանյանը հանդիպել է Թեհրանում գործող «Իրանագիտության» հիմնադրամի ղեկավար, ԻԻՀ ԱԳ նախկին նախարար Ալի Աքբար Սալեհիի հետ:
Կողմերն անդրադարձել են ՀՀ-ԻԻՀ հարաբերություններին՝ գոհունակությամբ արձանագրելով երկկողմ գործակցության օրակարգը խորացնելու և ընդլայնելու ուղղությամբ իրականացվող շարունակական քայլերը:
Ընդգծվել է նաև տնտեսական և գիտակրթական ոլորտներում համագործակցությունը զարգացնելուն միտված նախաձեռնությունների կյանքի կոչումն ու նոր ծրագրերի ներդրման անհրաժեշտությունը:
ՀՀ ԱԳ նախարարի տեղակալ Վահան Կոստանյանը ողջունել է ԻԻՀ պատվիրակության մասնակցությունը «Երևանյան երկխոսություն» երկրորդ միջազգային համաժողովին՝ կարևորելով նմանօրինակ միջոցառումներին ՀՀ միջազգային գործընկեր երկրների ներկայացուցիչների մասնակցությունը, ինչպես նաև զգալի ներդրումն այդ համաժողովի կայացման գործում: