Սեպտեմբերի 9-ին «Երևանյան երկխոսություն» միջազգային համաժողովի շրջանակներում կայացել է ՀՀ ԱԳ նախարարի տեղակալ Մնացական Սաֆարյանի հանդիպումը Տաջիկստանի Հանրապետության ԱԳ նախարարի տեղակալ Սոդիկ Իմոմիի հետ։

Հանդիպման ընթացքում զրուցակիցները կարևորել են փոխվստահության վրա հիմնված միջպետական հարաբերությունների հետագա զարգացումն ու ընդլայնումը: Անդրադարձ է կատարվել երկկողմ միջկառավարական հանձնաժողովի աշխատանքների ակտիվացման կարևորությանը:

Կողմերը պատրաստակամություն են հայտնել ամենատարբեր ոլորտներում փոխշահավետ համագործակցության ամրապնդմանն ու ընդլայնմանն ուղղված գործնական քայլերի իրականացման վերաբերյալ: