ՀՀ կայուն զարգացման նպատակների խորհրդում Հայաստանում գործող հասարակական կազմակերպությունների ներգրավման գործընթացի երկրորդ փուլի ամփոփում
18 սեպտեմբերի, 2020Սեպտեմբերի 11-ից 16-ը արտաքին գործերի նախարարությունում կայացավ Կայուն զարգացման նպատակների (ԿԶՆ) խորհրդի կազմում հասարակական կազմակերպությունների ներգրավման նպատակով իրականացված մրցույթի երկրորդ փուլը՝ ըստ ոլորտային խմբերի, որի արդյունքներով ԿԶՆ խորհրդում առաջիկա երկու տարիների ընթացքում կներգրավվեն ստորև ներկայացված հասարակական կազմակերպությունների ղեկավարները․
Գործունեության ոլորտը | Ընտրված կազմակերպության անվանումը |
Աշխատանք, զբաղվածություն և աղքատության հաղթահարում | Հայաստանի արհմիությունների կոնֆեդերացիա |
Կրթություն | Հայկական բարեգործական ընդհանուր միություն |
Առողջապահություն | «Դրական մարդկանց հայկական ցանց» ՀԿ |
Շրջակա միջավայր և կլիմայի փոփոխություն | Եկեղեցիների համաշխարհային խորհրդի հայաստանյան միջեկեղեցական կլոր սեղան |
Արդարադատություն և մարդու իրավունքների պաշտպանություն | Կանանց ռեսուրսային կենտրոն |
Արդյունաբերություն, առևտուր և նորարարություն ոլորտում | «Քմյունիթի Սենթր ֆոր դիվելոփմենթ» տարածաշրջանային համագործակցության ՀԿ |
Ենթակառուցվածքներ (էներգետիկա, ճանապարհներ, տրանսպորտ, ջրային ուղղություններ) | Հայաստանի Գործատուների հանրապետական միություն |
Ընտրական երկրորդ փուլն իրականացվել է ապրիլի 22-ի «Հայաստանի Հանրապետության կայուն զարգացման նպատակների խորհրդի» մասին ՀՀ վարչապետի N 479-Ա որոշմամբ սահմանված կարգով։ Որոշման կայացման եղանակն ընտրվել է տվյալ ոլորտի բոլոր մասնակից կազմակերպությունների ներկայացուցիչների կողմից հանդիպումների ընթացքում։ Մասնակիցների նախապատվությամբ յոթ ոլորտային խմբերից երկուսում կատարվել է վիճակահանություն, իսկ հինգում ներկայացուցիչն ընտրվել է հանդիպման մասնակիցների կողմից։