ՀՀ դեսպանի հանդիպումը Հունաստանի զբոսաշրջության նախարարի հետ

23 հուլիսի, 2019

Հուլիսի 23-ին Հունաստանում ՀՀ դեսպան Ֆադեյ Չարչօղլյանը հանդիպեց Հունաստանի զբոսաշրջության նորանշանակ նախարար Խարիս Թեոխարիսի (Harry Theoharis) հետ:

Զրուցակիցները կարևորեցին հայ-հունական երկկողմ բարեկամական հարաբերությունների բարձր մակարդակը՝ խարսխված երկու բարեկամ ժողովուրդների պատմական սերտ առնչությունների և փոխադարձ ջերմ վերաբերմունքի վրա, ինչն ամուր հիմք է ոլորտային, մասնավորապես՝ զբոսաշրջության բնագավառում, երկկողմ համագործակցության ընդլայնման համար:

Քննարկվեցին երկու երկրների միջև փորձի փոխանակման, վերապատրաստման ծրագրերի իրականացման վերաբերյալ հարցեր: 

Տպել էջը