Բելառուսում Հայաստանի դեսպանի հանդիպումը Բելառուսի ԱԺ ստորին պալատի նախագահի տեղակալի հետ
14 հունիսի, 2019Հունիսի 14-ին Բելառուսում Հայաստանի դեսպան Արմեն Ղևոնդյանը ԲՀ Ազգային ժողովի Ներկայացուցիչների պալատում հանդիպում ունեցավ պալատի նախագահի տեղակալ, Հայ-բելառուսական միջխորհրդարանական հանձնաժողովի համանախագահ Բոլեսլավ Պիրշտուկի (Болеслав Пирштук) հետ։
Հանդիպման ընթացքում քննարկվեցին հայ-բելառուսական հարաբերությունների արդի վիճակն ու հեռանկարները՝ շեշտը դնելով Հայաստանի Ազգային ժողովի և Բելառուսի Ազգային ժողովի միջև համագործակցության միջխորհրդարանական հանձնաժողովի հերթական նիստի նախապատրաստման աշխատանքների վրա։
Անդրադարձ կատարվեց նաև համապատասխան բազմակողմ հարթակներում երկու պետությունների խորհրդարանականների միջև համագործակցության առաջմղման հարցերին։