Հայաստանի ԱԳ նախարարի և ԵԱՀԿ գլխավոր քարտուղարի հանդիպումը
27 սեպտեմբերի, 2018Սեպտեմբերի 27-ին արտգործնախարար Զոհրաբ Մնացականյանը Նյու Յորքում հանդիպեց Եվրոպայում անվտանգության և համագործակցության կազմակերպության Գլխավոր քարտուղար Թոմաս Գրեմինգերին:
Հանդիպմանը մտքեր փոխանակվեցին ԵԱՀԿ գործունեության տարբեր ուղղություններին առնչվող օրակարգային մի շարք հարցերի շուրջ։
Հայաստանի արտաքին քաղաքական գերատեսչության ղեկավարն ու ԵԱՀԿ գլխավոր քարտուղարը անդրադարձ կատարեցին փոխգործակցությանը «Հայաստանի հետ համագործակցության ծրագրի» շրջանակներում։