Դեսպան Մարտիրոսյանի հանդիպումը Տորոնտոյի քաղաքապետի հետ
13 նոյեմբերի, 2017
Նոյեմբերի 13-ին Կանադայում ՀՀ դեսպան Լևոն Մարտիրոսյանը հանդիպում ունեցավ Տորոնտոյի քաղաքապետ Ջոն Թորիի հետ:
Ողջունելով ՀՀ դեսպանին Տորոնտոյում` քաղաքապետը վստահություն հայտնեց, որ վերջինիս աշխատանքի արդյունքում ինչպես հայ-կանադական հարաբերություններն, այնպես էլ համագործակցությունը Տորոնտո քաղաքի հետ առավել խորը զարգացում կապրի:
Շնորհակալություն հայտնելով ընդունելության համար` դեսպան Մարտիրոսյանը նշեց, որ ջանք չի խնայելու ինչպես երկկողմ հարաբերությունների զարգացման գործում, այնպես էլ երկու երկրների միջև ապակենտրոնացված համագործակցության խորացման ուղղությամբ նոր արդյունքներ գրանցելու համար:
ՀՀ դեսպանն ու Տորոնտոյի քաղաքապետը քննարկեցին իրականացման փուլում գտնվող մի քանի կարևոր նախագծերի ընթացքը, մտքեր փոխանակեցին Տորոնտոյի և Երևանի միջև ծավալվող փոխգործակցության վերաբերյալ և նախանշեցին հետագա համագործակցության ուղղությունները: