Մարդու իրավունքների հարցերով խորհրդակցություններ Հայաստանի և Ռուսաստանի արտգործնախարարությունների միջև
14 հուլիսի, 2017
Հուլիսի 14-ին Երևանում տեղի ունեցան խորհրդակցություններ Հայաստանի և Ռուսաստանի արտաքին գործերի նախարարությունների միջև, որոնք նվիրված էին միջազգային կազմակերպություններում մարդու իրավունքների շրջանակներում երկու երկրների համագործակցությանը:
Հայկական կողմից խորհրդակցությունները ղեկավարում էր ՀՀ ԱԳՆ Միջազգային կազմակերպությունների վարչության պետ Վահրամ Կաժոյանը, ռուսական կողմից՝ ՌԴ ԱԳՆ հումանիտար համագործակցության և մարդու իրավունքների դեպարտամենտի պետ Անատոլի Վիկտորովը:
Խորհրդակցությունների ընթացքում քննարկվեց ՄԱԿ-ի Գլխավոր ասամբլեայի երրորդ կոմիտեում և Մարդու իրավունքների խորհրդում փոխադարձ հետաքրքրություն ներկայացնող հարցերի ամբողջ շրջանակը:
Խորհրդակցությունների ավարտին ՌԴ ԱԳՆ պատվիրակությանն ընդունեց ՀՀ արտաքին գործերի նախարարի տեղակալ Աշոտ Հովակիմյանը: