Գերմանիայում ՀՀ դեսպան Աշոտ Սմբատյանի աշխատանքային այցը ԳԴՀ Սաքսոնիա-Անհալթ երկրամաս
01 օգոստոսի, 2016
Օգոստոսի 1-ին դեսպան Աշոտ Սմբատյանն աշխատանքային այցով մեկնեց ԳԴՀ Սաքսոնիա-Անհալթ երկրամասի մայրաքաղաք Մագդեբուրգ:
Մագդեբուրգում դեսպանը հանդիպում ունեցավ երկրամասի Կառավարության աշխատակազմի ղեկավար-նախարար, մշակույթի հարցերով պետնախարար Ռայներ Ռոբրայի հետ: Հանդիպման ընթացքում քննարկվեցին երկկողմ մշակութային համագործակցությանը, տնտեսական հարաբերություններին և զբոսաշրջության զարգացմանը վերաբերող հարցեր:
Նույն օրը դեսպանը հանդիպեց Սաքսոնիա-Անհալթ երկրամասի կրթության նախարար Մարկո Թուլների հետ:
Զրուցակիցները քննարկեցին կրթության ոլորտում երկկողմ հարաբերությունների ակտիվացման, համատեղ տարբեր ծրագրերի իրականացման հարցեր: