Բանակի օրվան նվիրված միջոցառում Թեհրանում
29 հունվարի, 2016
Հունվարի 29-ին Իրանում ՀՀ դեսպանությունը կազմակերպեց ՀՀ Զինված ուժերի 24-ամյակին նվիրված ընդունելություն:
Թեհրանի «Արարատ» մարզամշակութային համալիրում տեղի ունեցած միջոցառմանը ելույթ ունեցավ Իրանում ՀՀ դեսպան Արտաշես Թումանյանը և դեսպանության ռազմական կցորդ, փոխգնդապետ Սևադա Շաբանյանը: Ներկայացվեց Հայկական բանակի կազմավորման պատմությունը, անցած ուղին և այս ժամանակաշրջանում արձանագրված ձեռքբերումները:
Ընդունելությանը ներկա էին Իրանի պաշտպանության նախարարության, բանակի և այլ ուժային կառույցների ներկայացուցիչներ, Իրանում հավատարմագրված դեսպաններ և ռազմական կցորդներ: