Դեսպան Վարդանյանն իր հավատարմագրերը հանձնեց Ֆիլիպինների նախագահին
10 հունիսի, 2014
Հունիսի 10-ին հանդիսավոր պայմաններում Ֆիլիպիններում ՀՀ դեսպան Ռաիսա Վարդանյանը (նստավայրը` Հանոյ) իր հավատարմագրերը հանձնեց Ֆիլիպինների Հանրապետության նախագահ Բենինո Աքինո Երրորդին:
Հավատարմագրերի հանձնման արարողությունից հետո կայացած առանձնազրույցի ընթացքում երկուստեք կարևորվեց տարբեր մակարդակներով փոխայցելությունների, ինչպես նաև գործարար աշխարհի ներկայացուցիչների միջև կապերի հաստատման անհրաժեշտությունը:
Ֆիլիպինների նախագահը հույս հայտնեց, որ դեսպան Վարդանյանի հավատարմագրումը մեծապես կնպաստի երկկողմ հարաբերությունների ակտիվացմանն ու զարգացմանը միտված գործնական քայլեր ձեռնարկելուն։