Դեսպան Մելքոնյանի հանդիպումը Եգիպտոսի փոխվարչապետ Զիյադ Բահա Էդդինի հետ
10 դեկտեմբերի, 2013Դեկտեմբերի 10-ին Եգիպտոսում ՀՀ դեսպան Արմեն Մելքոնյանը հանդիպեց այդ երկրի փոխվարչապետ, միջազգային համագործակցության նախարար Զիյադ Բահա Էդդինի հետ:
Քննարկվեցին ներկա փուլում փոխշահավետ առևտրատնտեսական համագործակցությունը զարգացնելու հեռանկարները: Այդ առումով կարևորվեց հայ–եգիպտական միջկառավարական հանձնաժողովի աշխատանքների ակտիվացումը։ Դեսպան Մելքոնյանը փոխվարչապետին ներկայացրեց ՀՀ տնտեսական զարգացման առաջնահերթությունները և ներդրումային հնարավորությունները:
Անդրադարձ կատարվեց հայ-եգիպտական ավանդական պատմամշակութային կապերին, Եգիպտոսի հասարակական, տնտեսական կյանքում եգիպտահայ համայնքի ունեցած նշանակալից ներդրմանը: