ՀՀ ԱԳ նախարարի տեղակալն ընդունեց ՀԱՊԿ գլխավոր քարտուղարին
25 նոյեմբերի, 2011Նոյեմբերի 25-ին արտգործնախարարի տեղակալ Շավարշ Քոչարյանն ընդունեց ՀԱՊԿ գլխավոր քարտուղար Նիկոլայ Բորդյուժային:
Հանդիպման ընթացքում քննարկվեցին դեկտեմբերի 20-ին Մոսկվայում կայանալիք ՀԱՊԿ Հավաքական անվտանգության խորհրդի նստաշրջանի նախապատրաստական աշխատանքների հետ կապված հարցեր:
Նախարարի տեղակալ Շավարշ Քոչարյանը տեղեկացրեց ստորագրվելիք փաստաթղթերի` Հայաստանում ներպետական համաձայնեցման ընթացքի մասին:
ՀԱՊԿ գլխավոր քարտուղարն իր հերթին ընդգծեց հայկական կողմի ակտիվ մասնակցությունը Կազմակերպության գործունեությանը, գոհունակություն հայտնեց կառուցողական մոտեցումների կապակցությամբ: