Համայն Վրաստանի Կաթողիկոս-Պատրիարք Իլիա Երկրորդն ընդունեց Վրաստանում Հայաստանի դեսպան Հովհաննես Մանուկյանին
29 ապրիլի, 2011Ապրիլի 29-ին Համայն Վրաստանի Կաթողիկոս-Պատրիարք Իլիա Երկրորդն ընդունեց Վրաստանում Հայաստանի դեսպան Հովհաննես Մանուկյանին:
Հանդիպմանը մասնակցեցին նաև Հայաստանյայց Առաքելական Սուրբ
Եկեղեցու Վիրահայոց թեմի առաջնորդ Տ. Վազգեն եպիսկոպոս Միրզախանյանը և Վրաստանի նախագահի խորհրդական Վան Բայբուրթը:
Հանդիպման ընթացքում քննարկվեցին երկու քույր-եկեղեցիների հարաբերություններին առնչվող հրատապ հարցեր, այդ թվում` Վրաստանում ներկայացված ավանդական դավանանքների եկեղեցիներին իրավաբանական կարգավիճակ տրամադրելու խնդիրը:
Զրույցի ժամանակ շեշտվեց հայ և վրաց ժողովուրդների միջև պատմականորեն ձևավորված բարիդրացիական կապերի հետագա զարգացման անհրաժեշտությունը: