Նիդերլանդներում ՀՀ դեսպանն իր հավատարմագրերը հանձնեց Նիդերլանդների թագուհուն
16 մարտի, 2011 Մարտի 16-ին Նիդերլանդների Թագավորությունում ՀՀ դեսպան Ձյունիկ Աղաջանյանն իր հավատարմագրերը հանձնեց Նիդերլանդների թագուհի Բեատրիքսին: Հավատարմագրի հանձնման արարողությունից հետո առանձնազրույց տեղի ունեցավ թագուհի Բեատրիքսի եւ ՀՀ դեսպանի միջեւ, որի ժամանակ անդրադարձ կատարվեց հայ-հոլանդական հարաբերություններին ու տարածաշրջանային խնդիրներին:
ՀՀ դեսպանի կողմից Նիդերլանդների թագուհուն հավատարմագրի հանձնման կապակցությամբ, ՀՀ դեսպանությունում կազմակերպվեց ընդունելություն, որի ժամանակ Ալմելոյի սբ. Գրիգոր Լուսավորիչ եկեղեցու քահանա Խաչիկ Ֆրանգյանի կողմից կատարվեց ՀՀ նորաբաց դեսպանատան օծման կարգը: