Հունիսի 21-ին արտգործնախարար Էդվարդ Նալբանդյանը «Զվարթնոց» օդանավակայանում հանդիպեց տարանցիկ այցելությամբ Հայաստան ժամանած Լեհաստանի Սեյմի նախագահ, նախագահի պաշտոնակատար Բրոնիսլավ Կոմորովսկուն:

Հանդիպմանը քննարկվեցին հայ-լեհական երկկողմ հարաբերություններին, Հայաստան-Եվրոպական Միություն համագործակցությանը առնչվող մի շարք հարցեր: Լեհաստանի Նախագահի պաշտոնակատարը կարեւորեց լեհաստանաբնակ հայերի դերակատարումը Լեհաստանի զարգացման, ինչպես նաեւ` երկու պետությունների միջեւ համագործակցության խթանման գործում:

Էդվարդ Նալբանդյանն ու Բրոնիսլավ Կոմորովսկին մտքեր փոխանակեցին տարածաշրջանային զարգացումների շուրջ: