Հարց. Ադրբեջանական լրատվամիջոցները տարածել են այդ երկրի ԱԳ նախարարի եւ մի քանի այլ պաշտոնյաների պնդումները ղարաբաղյան հիմնախնդրի հանգուցալուծման առաջընթացն իբր Հայաստանի կողմից խոչընդոտելու վերաբերյալ: Ինչպես կմեկնաբանեք դրանք:

Պատասխան. Առաջընթացը բանակցային գործընթացում հնարավոր կլինի, երբ Ադրբեջանը սուր ճոճելու փոխարեն, ընդունի իր պատասխանատվությունը հակամարտության սանձազերծման եւ դրա հետեւանքների համար, դադարի ներկայացնել իր պատկերացումները իրավունքի մասին` որպես միջազգային իրավունք, եւ անպտուղ չաղավաղի հակամարտության էությունը եւ բանակցային գործընթացի բովանդակությունը: