Ս.թ. նոյեմբերի 20-ին նախարար Էդվարդ Նալբանդյանն ընդունեց Եվրոպայի խորհրդի նախարարների կոմիտեի մոնիտորինգի Ագոյի խմբին` դեսպան Ստելիան Սոյանի գլխավորությամբ:

Ողջունելով հյուրերին` նախարար Նալբանդյանը նշեց այցի կարեւորությունը` Հայաստանում տեղի ունեցող բարեփոխումներին ծանոթանալու տեսանկյունից:

Նախարար Նալբանդանը նշեց ԵԽ-ին Հայաստանի անդամակցության նշանակությունը տարբեր ոլորտներում բարեփոխումներ իրականացնելու, կազմակերպության ընդհանուր օրակարգին նպաստելու եւ ԵԽ տարբեր կառույցների աշխատանքներին լիարժեքորեն մասնակցելու հարցում:

Զրուցակիցները մտքեր փոխանակեցին հայ-թուրքական հարաբերությունների շուրջ: Ագոյի խումբը ողջունեց հայ-թուրքական հարբերությունների նորմալացման գործընթացը եւ ԵԽ պատրաստակամությունը հայտնեց սատարելու գործընթացին:

Հյուրերի խնդրանքով նախարար Նալբանդյանը ներկայացրեց արցախյան հիմնախնդրի բանակցային գործընթացի վերջին զարգացումները: