Բացվել է դիվանագետների կանանց եւ կին դիվանագետների «Բարի գալուստ Հայաստան» ասոցիացիան
16 սեպտեմբերի, 2009Ս.թ. սեպտեմբերի 16-ին արտաքին գործերի նախարարի տիկնոջ` Նատալիա Նալբանդյանի նախագահության ներքո տեղի է ունեցել «Բարի գալուստ Հայաստան» ասոցիացիայի բացման արարողությունը։
Ասոցիացիայի նպատակն է դյուրացնել արտասահմանցի դիվանագետ ընտանիքների ինտեգրումը հայաստանյան կյանք` նրանց կեցությունը Հայաստանում հնարավորին չափ հետաքրքիր եւ հաճելի դարձնելու համար:
Ասոցիացիան` հայ դիվանագետների ընտանիքների, հայ մշակութային, գիտական ու գործարար շրջանակների ներկայացուցչիների հետ հանդիպումների միջոցով կծանոթացնի մեր երկրի բազմազանությանն ու ժողովրդի անկրկնելի ավանդույթներին:
Առաքելության իրականացման նպատակով «Բարի գալուստ Հայաստան» ասոցիացիան դիվանագետների ընտանիքների համար կկազմակերպի հանդիպումներ, էքսկուրսիաներ, համերգներ, որոնք կօգնեն ճանաչել Հայաստանի երեկն ու այսօրը, հայ ժողովրդի մշակույթն ու լեզուն, ավանդույթներն ու կենցաղը:
Ասոցիացիան շահույթ չհետապնդող կազմակերպություն է եւ նրա գործունեությունը դուրս է քաղաքական ու կրոնական ոլորտներից, այնտեղ ներկայացված են բոլոր մայրցամաքների ներկայացուցչիները: «Բարի գալուստ Հայաստան»-ի դռները մշտապես բաց են անդամակցության:
Ս.թ. հոկտեմբերից Երեւանում ապրող օտարեկրյա դիվանագտների կանանց եւ կին դիվանագետների համար ասոցիացիայի կողմից կազմակերպվելու են հայերեն լեզվի անվճար դասընթացներ:
Ասոցիացիայի բացման արարողությանը ներկա էին Հայաստանում հավատարմագրված դիվանագիտական ներկայացուցչությունների եւ միջազգային կազմակերպությունների շուրջ հարյուր կին-ներկայացուցիչ։