Ս.թ. մարտի 23-ին ՀՀ ԱԳ նախարար Էդվարդ Նալբանդյանը հանդիպում ունեցավ Եվրոպական Միության կողմից հովանավորվող «Լրագրողների ցանց» ծրագրի շրջանակներում Հայաստան ժամանած մոտ 30 արաբ եւ հրեա լրագրողների:

Հանդիպման ընթացքում Էդվարդ Նալբանդյանը ներկայացրեց Հայաստանի եւ Միջին Արեւելքի երկրների միջեւ ձեւավորված հարաբերությունները եւ դրանց խորացման հեռանկարները:

Հանդիպմանը, որին ներկա էին Միջին Արեւելքի առաջատար լրատվամիջոցների ներկայացուցիչներ, արծարծվեցին Հայաստանի արտաքին քաղաքականության, արցախյան հիմնախնդրի եւ հայ-թուրքական հարաբերությունների կարգավորմանն առնչվող բազմաթիվ հարցեր: