Ս.թ. մարտի 6-ին Ռումինիայում ՀՀ դեսպան Եղիշե Սարգսյանը հանդիպում է ունեցել Ռումինիայի Խորհրդարանի Պատգամավորների պալատի նախագահ Ռոբերտա Ալմա Անաստասեի/Roberta Alma Anastase/ հետ:

Հանդիպման ընթացքում զրուցակիցները մտքեր են փոխանակել հայ-ռումինական խորհրդարանական համագործակցության ընդլայնման շուրջ:

Ռումինիայի պատգամավորների պալատի նախագահը կարեւորել է միջխորհրդարանական կապերի հետագա խորացմանն ուղղված երկկողմ պատրաստակամությունը` ինչպես երկկողմ ձեւաչափով, այնպես ել միջազգային կազմակերպությունների խորհրդարանական վեհաժողովների շրջանակներում:

Երկուստեք ընդգծվել է խորհրդարանական դիվանագիտության կարեւորությունը, բարեկամության խորհրդարանական խմբերի գործունեությունը խթանելու անհրաժեշտությունը:

ՀՀ դեսպանը տեղեկություններ հաղորդել է Հայաստանի ընթացող բարեփոխումների, արտաքին քաղաքականության հիմնական ուղղությունների, արցախյան հիմնախնդրի կարագավորման հնարավորությունների մասին: