Ս.թ. նոյեմբերի 13-ին ՀՀ ԱԳ նախարար Էդվարդ Նալբանդյանը հանդիպեց պաշտոնական այցով Հայաստանում գտնվող Կիպրոսի Հանրապետության խորհրդարանի նախագահ Մարիոս Գարոյանի հետ:

Ողջունելով հյուրին` նախարար Նալբանդյանը գոհունակություն հայտնեց ակտիվորեն զարգացող հայ-կիպրական բարեկամական հարաբերությունների կապակցությամբ` կարեւորելով այդ հարաբերություններում կիպրահայ համայնքի դերը:

Մարիոս Գարոյանը եւս բարձր գնահատեց երկկողմ հարաբերությունների մակարդակը` նշելով դրանց առավել խորացման անհրաժեշտությունը եւ առկա ներուժը:

Զրուցակիցները քննարկեցին երկու երկրների խորհրդարանների համագործակցության խորացման հետ կապված հարցեր:

Հանդիպմանը մտքեր փոխանակվեցին կիպրական խնդրի կարգավորման հեռանկարների, արցախյան հիմնահարցի լուծման բանակցային գործընթացի, ինչպես նաեւ տարածաշրջանային հարցերի վերաբերյալ: