Հարց. - Պարոն նախարար, վերջին շրջանում թուրքական մամուլում նյութեր են հրապարակվում Հայաստանի կողմից Հայոց ցեղասպանության միջազգային ճանաչման քաղաքականության վերաբերյալ: Ինչպե՞ս կմեկնաբանեք դրանք:

Պատասխան. - Վերջերս թուրքական մամուլում Հայաստանի պաշտոնյաներին վերագրվող լուրերը Հայոց ցեղասպանության միջազգային ճանաչման գործընթացի վերաբերյալ աղավաղված են եւ ներկայացված են գլխիվայր: Բազմիցս ասել եմ եւ նորից ցանկանում եմ կրկնել, որ Հայաստանի պաշտոնյաները չեն արտահայտվել եւ երբեւէ չեն արտահայտվի Ցեղասպանության միջազգային ճանաչման գործընթացը դադարեցնելու օգտին: Առավելեւս Հայաստանը չի կարող հանդուրժել Հայոց ցեղասպանության ժխտողականության որեւէ դրսեւորում: