Ս. թ. հոկտեմբերի 15-ին ՀՀ արտաքին գործերի փոխնախարար Գեղամ Ղարիբջանյանն ընդունեց Հայաստանում Ղազախստանի դեսպան Աիմդոս Բոզժիգիտովին:

Զրուցակիցները բարձր գնահատեցին երկկողմ հարաբերությունների զարգացման դինամիկան:

Դեսպան Բոզժիգիտովը փոխնախարար Ղարիբջանյանին տեղեկացրեց, որ նախատեսվում է կազմակերպել հայ-ղազախական գործարար համաժողով, որի ընթացքում հնարավորություն կընձեռվի ուսումնասիրել հանքարդյունահանման, գյուղատնտեսության եւ արդյունաբերության ոլորտներում հայ-ղազախական համագործակցության զարգացումը:

Աիմդոս Բոզժիգիտովի խնդրանքով Գեղամ Ղարիբջանյանը ներկայացրեց Հայաստանի տեսակետները տարածաշրջանային վերջին զարգացումների վերաբերյալ, ինչպես նաեւ` հայ-թուրքական հարաբերություններում վերջին զարգացումները: