Ս.թ. օգոստոսի 22-ին ՀՀ ԱԳՆ-ում տեղի ունեցավ Հայաստան-Սփյուռք գործակցության զարգացման վերաբերյալ քննարկում, որին մասնակցում էին համահայկական կազմակերպությունների հայաստանյան ներկայացուցիչներ:

Քննարկման ընթացքում կարեւորվեցին Հայաստան-Սփյուռք գործակցության առանցքային խնդիրներում հայոց պետության ջանքերն` ուղղված հայապահպանությանը եւ լեզվամշակութային ինքնության կորստի կանխմանը, Հայաստանի Հանրապետության եւ Լեռնային Ղարաբաղի Հանրապետության համար կենսական նշանակություն ունեցող խնդիրների լուծման գործում Սփյուռքի համակարգված մասնակցության ապահովմանը:

Քննարկման ընթացքում մասնակիցները նշեցին, որ Հայաստան-Սփյուռք գործակցության զարգացման տեսլականն ամրագրված է Հայաստանի Հանրապետության նախագահի քաղաքական ծրագրում` համայն հայության միացյալ ներուժը ամրագրելով որպես համաշխարհայնացվող աշխարհում Հայաստանի Հանրապետության մրցակցային առավելություն: