ՀՀ արտգործնախարար Էդվարդ Նալբանդյանն ընդունեց Հավաքական անվտանգության պայմանագրի կազմակերպության գլխավոր քարտուղար Նիկոլայ Բորդյուժային 21 հուլիս 2008թ.
21 հուլիսի, 2008Ս.թ. հուլիսի 21-ին ԱԳ նախարար Էդվարդ Նալբանդյանն ընդունեց Հավաքական անվտանգության պայմանագրի կազմակերպության գլխավոր քարտուղար Նիկոլայ Բորդյուժային:
Էդվարդ Նալբանդյանն ու Նիկոլայ Բորդյուժան քննարկեցին ՀԱՊԿ-ում Հայաստանի առաջիկա նախագահության եւ այդ ընթացքում իրականացվելիք միջոցառումներին վերաբերող հարցեր:
Նախարար Նալբանդյանը վերահաստատեց, որ Հայաստանը կարեւորում է ՀԱՊԿ-ում իր նախագահությունը եւ կաշխատի կազմակերպության անդամ երկրների միջեւ փոխգործակցության հետագա ամրապնդման ուղղությամբ:
Զրուցակիցներն անդրադարձան նաեւ Հայաստանում անցկացվելիք «Ռուբեժ-2008» համատեղ հրամանատարաշտաբային զորավարժության հետ կապված հարցերին: