Ս.թ. հուլիսի 17-ին ՀՀ ԱԳՆ Սփյուռքի հետ կապերի պետական կոմիտեի նախագահ Հրանուշ Հակոբյանը հանդիպեց ՀՀ-ում Միավորված Ազգերի Կազմակերպության մշտական համակարգող, ՄԱԶԾ-ի մշտական ներկայացուցիչ Կոնսուելո Վիդալ-Բրյուսի հետ:

Հանդիպման ընթացքում քննարկվեցին ստեղծվող Սփյուռքի նախարարության հայեցակարգի մշակման, ինչպես նաեւ կադրերի պատրաստման եւ վերապատրաստման ուղղությամբ ՄԱԿ-ի գրասենյակի հնարավոր աջակցության հարցերը:

Զրուցակիցներն անդրադարձան նաեւ Հայաստանի գյուղերում միջազգային ճամբարների ստեղծման հնարավորության եւ դրանցում երեխաներին անգլերեն լեզվի ուսուցանման ու սփյուռքահայ երեխաների ամառային հանգստի կազմակերպման հետ կապված հարցերին:

Պայմանավորվածություն ձեռք բերվեց համատեղ աշխատանքներ իրականացնելու համար համաձայնագրի նախագիծ մշակել, որն ուժի մեջ կմտնի հոկտեմբերին նախարարության ստեղծվելուց հետո: