Ս.թ. հուլիսի 14-ին ՀՀ ԱԳՆ սփյուռքի հետ կապերի պետական կոմիտեի նախագահ Հրանուշ Հակոբյանը հանդիպեց Հայկական բարեգործական ընդհանուր միության կենտրոնական վարչական ժողովի անդամ Վազգեն Յակուբյանի եւ ՀԲԸՄ Հայաստանի գրասենյակի տնօրեն Աշոտ Ղազարյանի հետ:

Հանդիպման ընթացքում քննարկվեցին Հայաստան-Սփյուռք գործակցության զարգացմանն ուղղված հիմնախնդիրները, մասնավորապես` Սփյուռքում հայապահպանության, ինչպես նաեւ Սփյուռքի հայության ներուժի լիարժեք օգտագործման մեխանիզմների մշակման հիմնահարցերը:

Տիկին Հակոբյանը հույս հայտնեց, որ պետական մակարդակով աջակցություն կցուցաբերվի ՀԲԸՄ-ի երեւանյան ներկայացուցչությանը Հայաստանում եւ ողջունեց այն հայապահպան ծրագրերը, որոնք նախատեսում են անցկացնել հայրենիքում: Նա նաեւ առանձնահատուկ շեշտեց «Դեպի Հայաստան» շարժման մեծագույն կարեւորությունը եւ բոլոր կազմակերպություններին հորդորեց կազմակերպել նմանատիպ ծրագրեր ու երիտասարդներին բերել Հայաստան: