Հայաստանում մենք խոր վրդովմունքով տեղեկացանք Քաբուլում Հնդկաստանի դեսպանության շենքի մոտ տեղի ունեցած ահաբեկչական գործողության մասին, որը խլել է մի քանի տասնյակ խաղաղ բնակիչների կյանք: Անմեղ զոհվածների թվում են նաեւ մեր գործընկերները` Հնդկաստանի դեսպանության աշխատակիցները:

ԱԳՆ-ը խստիվ դատապարտում է ահաբեկիչների այդ վայրագ գործողությունը, որը նպատակաուղղված է Աֆղանստանում իրադրության ապակայունացմանը եւ այդ երկրի խաղաղ զարգացման ուղղությամբ միջազգային հանրության գործադրած ջանքերի ձախողմանը:

Մեր խորին ցավակցությունն ենք հայտնում բոլոր զոհվածների հարազատներին եւ մերձավորներին: