Ս.թ. հունիսի 1-ին Առաջին հանրապետության օրվա, ինչպես նաեւ երեխաների միջազգային տոնի առիթով Բելգիայում Հայաստանի դեսպանություն էին հրավիրվել Բելգիայի եւ Նիդերլանդների համայնքային դպրոցների ղեկավարներն ու սաները` մասնակցելու Բրյուսելում Հայաստանի դեսպան Վիգեն Չիտեչյանի եւ դիվանագիտական անձնակազմի հետ ավանդական հանդիպմանը:

Միջոցառմանը մասնակցում էին Բելգիայի 8 եւ Նիդերլանդների 2 դպրոցների աշակերտներ, ուսուցիչներ եւ հյուրեր:

Նույն օրը հրապարակվել են նախապես հայտարարված «Հայաստան` իմ Հայրենիք» խորագրով ստուգարքային մրցույթի արդյունքները: Առաջին տեղ զբաղեցրած աշակերտին եւ նրա դպրոցի տնօրինությանը մրցանակներ է հանձնել դեսպան Չիտեչյանը, իսկ երկրորդ տեղ գրաված աշակերտն արժանացել է Բելգիայի Հայերի կոմիտեի մրցանակին: