ՀՀ եւ ՌԴ արտգործնախարարությունների միջեւ տեղի են ունեցել ՀԱՊԿ շրջանակներում համագործակցության վերաբերյալ խորհրդատվություններ 05 մայիս 2008թ.
05 մայիսի, 2008Ս.թ. ապրիլի 29-ին Երեւանում, ՀՀ ԱԳ նախարարությունում կայացել են ՀՀ եւ ՌԴ արտաքին գործերի նախարարությունների միջեւ Հավաքական անվտանգության մասին պայմանագրի կազմակերպության (ՀԱՊԿ) շրջանակներում համագործակցության վերաբերյալ խորհրդատվություններ` ԱԳ նախարարությունների համապատասխան վարչությունների պետերի մակարդակով:
Խորհրդատվությունների ընթացքում կողմերը քննարկել են հետեւյալ հարցերը.
- ՀԱՊԿ-ը ռազմաքաղաքական դաշինքից` միջազգային բնույթի բազմապրոֆիլային, ժամանակակից սպառնալիքներին ու մարտահրավերներին դիմակայելու ունակ կազմակերպության վերածելու գործընթացի հետ կապված խնդիրներ,
- ՀԱՊԿ շրջանակներում ռազմական ու ռազմատեխնիկական ոլորտներում համագործակցության իրավապայմանագրային բազան զարգացնելու եւ կատարելագործելու առաջնային ուղղություններ,
- ՀԱՊԿ փոխգործակցությունը ԱՊՀ, ԵվրԱզԷՍ եւ Շանհայան համագործակցության կազմակերպության հետ,
- ՀԱՊԿ անդամ պետությունների արտաքին քաղաքականության համադրում,
- ՀԱՊԿ-ում ՀՀ առաջիկա նախագահության առաջնայնություններ: