Ս.թ ապրիլի 22-ին աշխատանքային այցով Փարիզում գտնվող ՀՀ ԱԳ նախարար Է. Նալբանդյանը մի շարք հանդիպումներ ունեցավ ֆրանսիացի բարձրաստիճան պաշտոնյաների եւ քաղաքական գործիչների հետ:

Ապրիլի 22-ին Ֆրանսիայի նախագահի դիվանագիտական գլխավոր խորհրդական Ժան-Դավիդ Լեւիտի հետ հանդիպման ժամանակ Է. Նալբանդյանը ներկայացրեց արտաքին եւ ներքին ոլորտներում Հայաստանի նոր ղեկավարության ծրագրերը, Հայաստանի մոտեցումները փոխադարձ հետաքրքրություն ներկայացնող մի շարք հարցերի, ինչպես նաեւ տարածաշրջանային զարգացումների վերաբերյալ:
Նույն օրը Լեռնային Ղարաբաղի հակամարտության կարգավորման բանակցային ներկա ընթացքի հետ կապված հարցերը քննարկվեցին Մինսկի խմբում ֆրանսիացի համանախագահ Բեռնար Ֆասիեի հետ:

Առանձին ուղղություններով միջկառավարական շփումների ընդլայնման եւ Ֆրանսիայի հետ ապակենտրոնացված մակարդակով համագործակցության էլ ավելի խորացման հարցեր քննարկվեցին Ֆրանսիայի պետական ծառայության հարցով պետքարտուղար Անդրե Սանտինիի հետ:

Ապրիլի 23-ին նախատեսված է Է. Նալբանդյանը հանդիպումը իշխող Հանուն Ժողովրդային շարժման (UMP) կուսակցության Գլխավոր քարտուղար Պատրիկ Դ—եջյանի հետ:

Հանդիպումների ընթացքում զրուցակիցները, բարձր գնահատական տալով դինամիկ զարգացող հայ-ֆրանսիական հարաբերություններին, վստահություն հայտնեցին Հայաստանի հետ շարունակելու եւ առավել խորացնելու համագործակցությունը: