Ս.թ. ապրիլի 9-ին ՀՀ ԱԳ նախարար Վարդան Օսկանյանն ընդունեց ԵԱՀԿ գործող նախագահի հատուկ պատվիրակ Հեյկի Տալվիտիեին, որը Հայաստան է ժամանել ՀՀ նորընտիր նախագահի երդման արարողությանը մասնակցելու նպատակով:

Ողջունելով հյուրին` նախարար Օսկանյանը գոհունակություն հայտնեց ԵԱՀԿ ֆիննական նախագահության կողմից Հայաստանին եւ տարածաշրջանին ցուցաբերվող ուշադրության համար:

Պարոն Տալվիտիեն իր հերթին շնորհակալություն հայտնեց նախարար Օսկանյանին տարիների համատեղ արդյունավետ աշխատանքի համար:

Զրուցակիցները քննարկեցին նաեւ ԼՂ հիմնախնդրի կարգավորման հեռանկարները: ԵԱՀԿ գործող նախագահի հատուկ պատվիրակը նշեց, որ ԵԱՀԿ նախագահությունը իր ուշադրության կենտրոնում է պահելու ԼՂ հիմնահարցի բանակցային գործընթացը: