Ս.թ. ապրիլի 8-ին ՀՀ ԱԳ նախարարի տեղակալ Գեղամ Ղարիբջանյանն ընդունեց
Արաբական միացյալ էմիրությունների ԱԳՆ Ասիայի եւ Աֆրիկայի երկրների վարչության պետ դեսպան Ահմադ Աբդալլահ ալ Մուսալլիին (Ahmed Abdulla Al Musally), որը Երեւան է ժամանել մասնակցելու ՀՀ նորընտիր նախագահի երդման արարողությանը:

Զրույցի ընթացքում կողմերն անդրադարձան երկկողմ քաղաքական եւ տնտեսական հարաբերությունների ներկա մակարդակին եւ դրանց զարգացման հեռանկարներին:

Այնուհետեւ զրուցակիցները մտքեր փոխանակեցին տարածաշրջանային զարգացումների վերաբերյալ:

Փոխնախարար Ղարիբջանյանն ու դեսպան ալ Մուսալիին քննարկեցին նաեւ Երեւանում ԱՄԷ դեսպանության բացմանն առնչվող հարցեր: