Ս.թ. փետրվարի 25-ին ՀՀ ԱԳ նախարար Վարդան Օսկանյանը մասնակցեց «Հարավային Կովկասի տարածաշրջանում հանդուրժողականություն եւ քսենոֆոբիա» խորագրով մեկնարկած միջազգային խորհրդաժողովի բացմանը: Խորհրդաժողովը նվիրված էր 1988թ. փետրվարին Սումգայիթում տեղի ունեցած հայկական ջարդերի20-ամյա տարելիցին:

Խորհրդաժողովի մասնակիցներին ուղղած խոսքում նախարար Օսկանյանը շնորհակալություն հայտնեց միջոցառման կազմակերպիչներին նման նախաձեռնությամբ հանդես գալու համար: Նախարարն առաջարկեց խորհրդաժողովի թեման դիտարկել երեք հիմնական` Հայաստանի, տարածաշրջանի եւ գլոբալ մակարդակներում:

Խոսելով սումգայիթյան դեպքերի ու հետեւանքների մասին` նախարարը նշեց, որ Սումգայիթը առաջին քայլն էր ղարաբաղյան խնդիրը ռազմականացնելու եւ ուժային մեթոդներով լուծելու փորձի ճանապարհին:

Նախարար Օսկանյանը նաեւ անդրադարձավ ս.թ. փետրվարի 19-ին կայացած նախագահական ընտրություններին` կարեւորելով հանդուրժողականության եւ միասնության դերը երկրի կայունության ապահովման ու զարգացման համար:

Խորհրդաժողովի ձայնագրությունը ունկնդրելու համար սեղմեք այստեղ: |