Ս.թ. հունվարի 8-ին Իտալիայում Հայաստանի դեսպան Ռուբեն Շուգարյանը եւ
ՄԱԿ-ի Գյուղատնտեսության զարգացման միջազգային հիմնադրամի (IFAD) նախագահ Լեննարդ Բագեն ստորագրել են Հայաստանի Հանրապետության եւ IFAD-ի միջեւ «Շուկայական հնարավորություն ֆերմերներին» ծրագրի ֆինանսավորման համաձայնագիրը, որի համաձայն Հայաստանին կտրամադրվի 11.9 միլիոն դոլար` մասնավորապես, գյուղերի եւ գյուղական ասպարեզում փոքր ձեռնարկությունների զարգացման նպատակով:

Համաձայնագրի ստորագրման հանդիսավոր արարողությանը նախորդեց դեսպան Ռ. Շուգարյանի հանդիպումը Լ. Բագեի հետ եւ IFAD-ի Հայաստանի եւ տարածաշրջանի պատասխանատու, ծրագրի ղեկավար Հենինգ Պեդերսենը :

Քննարկվեցին տնտեսական բարեփոխումների, գյուղական զարգացմանն ուղղված ծրագրերի, տարածաշրջանային մակարդակով զարգացումների եւ միջազգային տնտեսական ծրագրերում Հայաստանին ընդգրկելու հարցերը: