Ստորեւ ներկայացնում ենք Թուրքմենստանում Հայաստանի Հանրապետության դեսպան Վլադիմիր Բադալյանի եւ Ղազախստանի Հանրապետությունում Հայաստանի Հանրապետության դեսպան Վասիլի Ղազարյանի կենսագրական տվյալները:

 

ՎԼԱԴԻՄԻՐ ՄԵՐՈՒԺԱՆԻ ԲԱԴԱԼՅԱՆ

Ծնվել է 1958թ. հոկտեմբերի 4-ին Երեւանում:

1980թ. ավարտել է Երեւանի պոլիտեխնիկական ինստիտուտը: Ճարտարագետ-հարստացնող:

1980-1981թթ. աշխատել է Ղազախստանի Ջեսկազգանի լեռնամետալուրգիական գործարանի ԳԱՄ-ում վարպետ, ճարտարագետ, 1981-1985թթ. «Երքիմշին» տրեստում` ճարտարագետ: 1985-1990թթ. կատարել է կոմերիտական աշխատանք:

1990-1991թթ. աշխատել է ՀամԼԿԵՄ կենտկոմում: 1991-1998թթ. եղել է «Էրզրում» ԳԱՄ համանախագահ, 1998-1999թթ.` ՀՀ կառավարության գործերի կառավարչի տեղակալ, 1999-2003թթ.` «Հրազդան» մարզահամալիրի տնօրեն:

2003-2007թթ.` Ազգային Ժողովի պատգամավոր (թիվ 16 ընտրատարածք): Ազգային Ժողովի արտաքին հարաբերությունների մշտական հանձնաժողովի անդամ: «Ժողովրդական պատգամավոր» պատգամավորական խմբի անդամ:

2007թ. մայիսի 12-ին Ազգային Ժողովի պատգամավոր է ընտրվել համամասնական ընտրակարգով Հայաստանի Հանրապետական կուսակցությունից:

Ամուսնացած է, ունի երկու երեխա:

 

 

ՎԱՍԻԼԻ ԽԱՉԱՏՈՒՐԻ ՂԱԶԱՐՅԱՆ

Ծնվել է 1946թ. սեպտեմբերի 25-ին, Հոկտեմբերյանի շրջանի Մարգարա գյուղում:

1969թ. ավարտել է Երեւանի պետական համալսարանը:

1968-1969թթ. աշխատել է ՀԽՍՀ ԵՊՀ ռադիացիոն միացյալ պրոբլեմային լաբորատորիայում` ավագ տեխնիկ:

1969-1972թթ. աշխատել է ՀԽՍՀ ԳԱ ֆիզիկական հետազոտությունների ինստիտուտում` որպես կրտսեր գիտաշխատող:

1972-1974թթ. ծառայություն է անցել ՀԽՍՀ Զինված ուժերում:

1974-1975թթ. աշխատել է ՀԽՍՀ ԳԱ ֆիզիկական հետազոտությունների ինստիտուտում` որպես կրտսեր գիտաշխատող:

1975-1977թթ. աշխատել է ՀԽՍՀ մինիստրների խորհրդի արտաքին հարաբերությունների բաժնում` որպես ավագ ռեֆերենտ:

1977-1982թթ. աշխատել է Լիբանանում ԽՍՀՄ առեւտրական ներկայացուցչությունում` որպես ավագ ինժեներ:

1976-1977թթ. մասնակցել է ԽՍՀՄ արտաքին առեւտրի ակադեմիայի դասընթացներին:

1983-2001թթ. եղել է ՀԽՍՀ մինիստրների խորհրդի արտաքին կապերի բաժնի ավագ ռեֆերենտ, արտաքին կապերի բաժնի վարիչ, ՀՀ կառավարության աշխատակազմի արտաքին կապերի վարչության պետ:

2001-2007թթ. զբաղեցրել է Չինաստանի Ժողովրդական Հանրապետությունում ՀՀ արտակարգ եւ լիազոր դեսպանի պաշտոնը:

2002-2008թթ. զբաղեցրել է Վիետնամի Սոցիալիստական Հանրապետությունում եւ
Կորեայի Հանրապետությունում ՀՀ արտակարգ եւ լիազոր դեսպանի պաշտոնը
(համատեղության կարգով, նստավայրը` ք. Պեկին):

2007թ. նոյեմբեր – 2008թ. օգոստոսին աշխատել է ՀՀ ԱԳ նախարարությունում` որպես աշխատակազմի քարտուղարության խորհրդական:

Տիրապետում է ռուսերեն եւ անգլերեն լեզուներին:

Ամուսնացած է, ունի երկու երեխա: