ՀՀ ԱԳ նախարար Վարդան Օսկանյանը շնորհավորական նամակ է հղել Քիմիական զենքի չտարածման կազմակերպությանն ու նրա Գլխավոր քարտուղար Ռոժելիո Պֆիրտերին` կազմակերպության հիմնադրման եւ Քիմիական զենքերի վերաբերյալ Կոնվենցիայի ուժի մեջ մտնելու տարեդարձի կապակցությամբ:

Իր շնորհավորական ուղերցում նախարարը մասնավորապես նշել է, որ Հայաստանը Քիմիական զենքի արգելման Կոնվենցիան համարում է որպես զանգվածային ոչնչացման զենքերի դեմ ստեղծված գլոբալ համակարգի անկյունաքար եւ երաշխիք, որն ապահովում է պետությունների եւ ժողովուրդների անվտանգությունը զանգվածային ոչնչացման զենքերի տարածումից: «Այս կապակցությամբ մենք հավատացած ենք, որ բոլոր պետությունները պետք է որդեգրեն եւ եւ իրագործեն զանգվածային զենքի տարածումը կանխարգելելու ուղղությամբ հետեւողական քաղաքականություն», ասել է նախարարը:

Նախարար Օսկանյանը նշել է, որ ժամանակն է ամփոփելու անցած տաս տարիների համատեղ գործունեությունը, եւ այս տարեդարձը լավ հնարավորություն կարող է դառնալ հետագա աշխատանքների ծավալման համար:

ՀՀ արտգործնախարարի անունից շնորհավորական ուղերձի կապակցությամբ ՔԶԱԿ-ը թողարկել է մամուլի հաղորդագրություն: