Ս.թ. մարտի 18-ին Եգիպտոսում ՀՀ դեսպան Ռուբեն Կարապետյանը հանդիպում է ունեցել Ալեքսանդրիայի նահանգապետ Ադել Լաբիբի հետ:

Հանդիպման ընթացքում քննարկվել են Ալեքսանդրիա եւ Գյումրի քաղաքների միջեւ համագործակցության հնարավորությունները:

Այդ կապակցությամբ պայմանավորվածություն է ձեռք բերվել ընթացիկ տարվա աշնանը կազմակերպել Գյումրիի քաղաքապետի այցը Եգիպտոս, գործարարների համաժողով, ինչպես նաեւ նշյալ այցի ընթացքում ստորագրել փաստաթուղթ Ալեքսանդրիա եւ Գյումրի քաղաքների միջեւ համագործակցության վերաբերյալ:

Եգիպտական կողմը հայտնել է, որ պատրաստ է ընդունել Գյումրիի քաղաքապետի գլխավորած պատվիրակությանը եւ քննարկել երկկողմ առեւտրատնտեսական ու գիտամշակութային համագործակցության զարգացման հնարավորությունները: