Հայ-վրացական պետական սահմանի սահմանագծման եւ սահմանազատման հանձնաժողովների նախագահների հանդիպման վերաբերյալ
21 փետրվարի, 20072007թ. փետրվարի 20-ին Թբիլիսիում կայացել է հայ-վրացական պետական սահմանի սահմանագծման եւ սահմանազատման հանձնաժողովների նախագահներ` ՀՀ ԱԳ նախարարի տեղակալ Գեղամ Ղարիբջանյանի եւ Վրաստանի ԱԳ նախարարի տեղակալ Գեորգի Մանջգալաձեի հերթական հանդիպումը, որին մասնակցել են նաեւ փորձագետներ:
Հանդիպման արդյունքում համաձայնեցվել են սահմանագծի եւս մի քանի հատվածներ:
Կողմերը պայմանավորվել են հանձնաժողովների հաջորդ համատեղ նիստն անցկացնել ս.թ. հունիսին Թբիլիսիում:
Նույն օրը ԱԳ նախարարի տեղակալ Գեղամ Ղարիբջանյանը հանդիպում է ունեցել Վրաստանի ԱԳ նախարար Գելա Բեժուաշվիլու հետ: ՀՀ ԱԳ փոխնախարարը պարոն Բեժուաշվիլուն տեղեկացրել է սահմանագծման գործընթացի մասին: Համդիպման ընթացքում նաեւ քննարկվել են երկկողմ հետաքրքրություն ներկայացնող հարցեր:
