Ս.թ. փետրվարի 14-15-ին Աթենքում կայացավ Հայաստանի եւ Հունաստանի միջեւ միջազգային ավտոտրանսպորտային փոխադրումները համակարգող հանձնաժողովի նիստ: Հայկական պատվիրակության ղեկավարն էր ՀՀ տրանսպորտի եւ կապի նախարարի տեղակալ Դավիթ Երիցյանը:

Քննարկվեցին երկու երկրների միջեւ բեռնատար եւ ուղեւորատար ավտոտրանսպորտային փոխադրումներին վերաբերող հարցեր: Պայմանավորվածություններ ձեռք բերվեցին կարգավորելու առաջացող խնդիրները եւ հնարավորինս աջակցելու այդ ոլորտներում գործող տնտեսվարողներին` զարգացնելու ապրանքների եւ ուղեւորների միջպետական փոխադրումները:

Հունական կողմը հաստատեց ոլորտին առնչվող միջազգային կազմակերպություններում Հայաստանին աջակցելու իր պատրաստակամությունը:

Քննարկումների արդյունքների հիման վրա ստորագրվեց համատեղ արձանագրություն: Որոշվեց նաեւ հանձնաժողովի հաջորդ նիստը անցկացնել Հայաստանում:

Նիստին մասնակցում էր նաեւ Հունաստանում Հայաստանի դեսպան Վահրամ Կաժոյանը: